موضوع: ابونا اثناسيوس ابراهيم الجمعة يونيو 12, 2015 12:29 pm
العمر / تقريبا كان سته وتلاتين و كاهن علي صورة يسوع العظيم الاخلاق / ملاك ماشي ع الارض وروحه ف السما بتطير الحاله الاجتماعيه / متزوج وعنده من الملايكه اتنين الوظيفه / كان عايش يخدم الكل بحب وتحت الرجلين ابونا اثناسيوس راح وفاتنا فجأه وفـ غمضة عين واشهر كلماته في عظاته النهارده هحكيلكم حكايه مع المسيح مين يقول امين اذكرنا يا ابونا امام عرش النعمه
فى احضان القديسين يا ابى نياحة القس أثناسيوس ابراهيم كاهن كنيسة القديس ماريوحنا الحبيب ببنها من حوالى 4 شهور كان فى كرنفال للشباب خاص بايبراشية بنها فى ارض الفرح.. كان فى شباب كتير جداا وكهنة كتير واتنين اساقفة .. العاب وترانيم واكل وشرب وتصوير .. وسط الزحمة دى ابونا ده كان بيعمل حاجة واحده .. ماسك كيس كبير وعمال يلم الزبالة و زجاجات الحاجة الساقعة الفاضية وبواقى الورق . ويحطهم فى الكيس اللى معاه .. طول الفترة اللى قعدها فى الكرنفال هو بيعمل كده ... تفتكروا ابونا اللى كان بيلم زبالة .. كان بيعامل النفوس ازاى .. اذكرنا امام عرش النعمة وفي احضان القديسين يا ابى
عاوز تعرف ايه عن ابونا بتاع الزبالة ؟! عاوز تعرف ايه ... مات ازاى ؟!
ابونا اثناسيوس اللى الناس كلها بتتكلم عنه ورغم سنة الصغير (مكملش التلاتين) مات عشان دخل عملية يصغر فيها معدته ويقدر يوطى يجيب الزباله من الأرض ويروح يجرى على خدمة الفرد الواحد ( المدمنين ) ويلحق يروح يفتقد ولاده فى الخدمة وينزل جرى من بيته الإيجار عشان يصلى القداس بدرى ويكمل باقى يومه فى الشارع يخدم بكل اتضاع وانسحاق ويرجع بيته مهدود وتعبان من تقل وزنه
ابونا اثناسيوس كان بيعمل لينا مش ليه كان بيفكر انه لما يخس يقدر يخدم افضل ويجيب زباله من الأرض اكتر ويجرى ورا الابن الضال أسرع لكن ربنا سمح أن حقنه التخدير قبل العملية ميستحملهاش ويرحل ابونا اثناسيوس إلى السماء وهناك روحه زى الملائكة لا هيحس بالتقل ولا بالتعب ولا حتى هيلاقى زباله